Maak gereed vir ’n fees van stories, die Ikhabara! en Namastap - en ‘n hele klompie magiese oomblikke tussendeur!
Die heel eerste Namakwa Filmfees land van 1 tot 4 September in die boomkamp by Soebatsfontein – ’n unieke viering van Afrikaanse rolprente, plaaslike kultuur en die ongerepte skoonheid van die streek.
Bring jou familie en vriende saam vir gratis rolprent-vertonings, liplekker eetgoed en snuisterye te koop en ‘n huislike atmosfeer soos nét die Namakwalanders kan. Hierdie is jou kans om deel te wees van ’n splinternuwe fees wat jou sal inspireer, ontroer en vermaak!
Met ’n program propvol familie vriendelike films, beloof dié fees ’n warm uitnodiging om saam te kom lag, te droom en die lewe deur nuwe oë te aanskou – reg in die prentjiemooi Namakwalandse blommeprag.